هي منصة تعليمية بتقدم دروس مصورة ومسجلة بتحتوي على شرح كامل ووافي لمواد التوجيهي بالإضافة إلى حل أسئلة سنوات سابقة واختبارات دورية من معلمين المنصة والتواصل المستمر مع المدرسين للوصول للعلامة الكاملة.

أول شيء وأهم شيء عزيزي الطالب إنه تشتري البطاقة من مقر المنصة أو من نقاط البيع المعتمدة في الضفة الغربية والقدس وقطاع غزة، والبطاقة رح يكون موجود عليها طريقة تفعيل الكود والتسجيل بالتفصيل.

وفرنا إلكم طريقة تسجيل سهلة كمان، بإمكانك تدفع عن طريق الحوالات البنكية أو أي طريقة بتشوفها مناسبة، وتصورها إلنا وترسلها عبر الواتساب وإحنا بنعطيك الكود وبتفعّل المادة مباشرة.

الكود الموجود على البطاقة بيفعّل مادة واحدة فقط ولفصل واحد فقط لو بتحب تشترك بمادة تانية او فصل تاني، بتلزمك كمان بطاقة.

في البداية بإمكانك تحضر المحاضرة المجانية الموجودة في المساق اللي حابب تسجل فيه، وبعدها بتقرر إذا رح تشترك معنا أو لاء.

- الدروس مسجلة بتقنية fULL HD- يعني جودة 100% كأنه الأستاذ بيشرح قبالك وزيادة، والدروس المسجلة رح تكون مرفوعة على موقع المنصة. - رح تكون جميع الدروس متوفرة للمشاهدة والمراجعة طوال العام - ورح يتم عقد لقاءات دورية بشكل أسبوعي مع مدرس المادة عبر الزووم لطرح الأسئلة والاستفسارات.

لا يوجد وقت محدد للتسجيل، في أي وقت خلال العام بتقدر تشتري البطاقة وتفعل المادة اللي بدك إياها " مع تحديد الفصل الذي ترغب في تسجيله" وما بيضيع عليك أي شيء من محتوى المادة.

لأسعار مناسبة جداً والجودة والوضوح في الشرح وتسجيل الفيديوهات عالية. سعر البطاقة 350 شيكل للمادة في الفصل الواحد، مع وجود خصم 100 شيكل مراعاةً للطلاب في قطاع غزة نظراً للوضع الاقتصادي السيء الذي يمر بنا في الوقت الحالي.